Bevalar

Текст песни

Yetilmay to'kilgan mevalar
Sog'inch dil to'rini savalar
Jimgina yig'laydi uyida
Ko'zyoshi shashqator bevalar

Bir kunda nigohi sarg'aydi
Azoblar oh qadar tilg'aydi
Yolg'izlik azobin qarg'aydi
Qalbida dardi bor bevalar

Bulutlar qurshagan tilagin
Bilolmas kimga ham keragin
Mish - mishlar ezadi yuragin
Bir shirin so'zga zor bevalar

O'ynardi yorining davrida
Demay hech narsaning xaflida
Yoridan qolgan keng hovlida
Ko'ziga dunyo tor bevalar

Falonchi falonga yuribdi
Kimlardur yomon o'y suribdi
Anvar ayt haq ko'rib turibdi
Aslida beg'ubor bevalar

Yo'q emas bu hayotda borday
Yuragi baxtiga mozordey
Yashaydi dunyoda eng xordek
Bag'rida yori bor bevalar

Yonida yori bor bevalar